У Віленскім беларускім музеі імя І. Луцкевіча па адрасе Vilniaus g., 20, пачала працу новая выстава «1926: выстава пра будучыню». На ёй паказваюць беларускія кнігі, лісты гімназістаў і паштоўкі паэтаў, створаныя роўна сто гадоў таму.
Экспазіцыя прысвечана 1926 году – часу, які супрацоўнікі музея называюць важным для разумення эпохі. Паводле іх, гэта быў год, калі беларускае грамадства спрабавала вярнуцца да нармальнага жыцця пасля Першай сусветнай вайны, яшчэ не ведаючы, якія выпрабаванні прынясе будучыня.
Выстава ў Віленскім беларускім музеі імя І. Луцкевіча.
На выставе можна пабачыць беларускія кнігі, выдадзеныя ў 1926 годзе, любоўныя лісты вучняў Віленскай беларускай гімназіі, а таксама паштоўкі беларускіх паэтаў. Гэтыя рэчы, адзначаюць у музеі, паказваюць, што хвалявала людзей таго часу і пра якую будучыню яны думалі.
У музеі жартам дадаюць, што праз сто гадоў можна будзе рабіць выставу ўжо пра 2026-ы, і задаюцца пытаннем, што з сучаснага жыцця тады стане экспанатам.
Выстава ў Віленскім беларускім музеі імя І. Луцкевіча.
Выставу можна наведаць з серады па нядзелю з 14:00 да 20:00. Уваход вольны. Музей знаходзіцца ў двары па адрасе Vilniaus g., 20, у Вільнюсе. Таксама частку матэрыялаў можна паглядзець анлайн у віртуальным сховішчы музея.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
